චීනය දිළිඳුකම දුරලීමේ වැඩපිළිවෙලකට

විදෙස්

13 වැනි චීන ජාතික මහජන කොංග්‍රසයේ 3 වැනි සැයිවාරය බෙයිජිංහි දී ආරම්භ‍ වේ.

චීන ජනාධිපති ෂී ජින්පිං ඇතුළු චීනයේ පක්ෂ සහ රජයේ නායකයෝ එම සැසිවාරයට සහභාගී වූ හ. ඊට සහභාගි වූ සමස්ත නියෝජිතයින් සංඛ්‍යාව 2897 කි.

කොරෝනා වසංගතය හේතුවෙන් චීන ජාතික මහජන කොංග්‍රසයේ වාර්ෂික සැසිවාරය වසර 22 කට පසු මැයි මාසයට කල් දැමූ පළමු අවස්ථාව මෙයයි.

ආරම්භක උත්සවයේ දී සියලු නියෝජිත‍යෝ ප්‍රථමයෙන් කොරෝනා වසංගතය පරාජයට පත් කිරීමේදී දිවි පිදූ වීරවරයින් සහ වසංගතය හේතුවෙන් මියගිය අය වෙනුවෙන් නිශ්ශබ්දතාවක් සුරැකූ හ.

චීන අග්‍රාමාත්‍ය ලී ක ච්‍යාං ඉකුත් වසරේ චීන රාජ්‍ය කාර්යය වාර්තාව ඉදිරිපත් කළ අතර මේ වසරේ කාර්යය වැඩසටහන් පිළිබඳ යෝජනා පරීක්ෂා කර සාකච්ඡා කිරීම සඳහා සැසිවාරයට ඉදිරිපත් කෙ‍රිණ.

නීති සම්පාදනයට සම්බන්ධ න්‍යාය පත්‍රය ද මෙවර සැසිවාරයේ දී පරීක්ෂා කර සාකච්ඡාවට ලක්කෙරේ. සිවිල් නීති සංග්‍රහය පිළිබඳ කෙටුම්පත සහ හොංකොං විශේෂ පරිපාලන කලාපය ජාතිකාරක්ෂාව සහතික කිරීමේ නීති ක්‍රමය හා මෙහෙයුම් පද්ධතිය බිහි කිරීම පිළිබඳ තීන්දු කෙටුම්පත ද ඊට ඇතුළත් ය.

රජය සතු ව්‍යාපාර ප්‍රතිසංස්කරණ පිළිබඳ තුන්අවුරුදු ක්‍රමෙව්දය ක්‍රියාත්මක කිරීමට චීනය සූදානම් වන බව අද සාකච්ඡාවට ඉදිරිපත් කෙරුණු වසර 2020 චීන රාජ්‍ය කාර්යය වාර්තාව පවසයි.

මේ වසරේ චීනය නිෂ්පාදන කර්මාන්තයේ අධි‍ශ්‍රේණිකරණය සහ නව කර්මාන්ත සංවර්ධනය ඉදිරියට ගෙන යනු ඇතැයි චීන අග්‍රාමාත්‍ය ලි ක ච්‍යං රාජ්‍ය කාර්යය වාර්තාව ඉදිරිපත් කරමින් පැවසී ය.

ඒ අතර චීනය සියලු දිළිඳු ජනතාව දරිද්‍රතාවයෙන් මුදවා ගැනීමට කටයුතු කරන අතර සෙසු දිළිඳු කෝරළවල හා ගම්මානවල දුෂ්කරතා විසඳීමේ උත්සාහයන් තීව්‍ර කළ යුතු බව රාජ්‍ය කාර්යය වාර්තාව පවසයි.

නව කොරෝනා වසංගතයට මුහුණ දීම සඳහා විශේෂ රාජ්‍ය ණය බැඳුම්කර යුආන් ටි‍්‍රලියනයක් නිකුත් කිරීමට පියවර ගන්නා බව ද චීන අග්‍රාමාත්‍යවරයා කියා සිටී.

චීන අග්‍රාමාත්‍ය ලී ක ච්‍යාං රාජ්‍ය කාර්යය වාර්තාව ඉදිරිපත් කරමින් වැඩිදුරටත් සඳහන් කළේ චීනය එක්සත් ජාතීන්ගේ සංවිධානය කේන්ද්‍ර කරගත් අන්තර්ජාතික නීතිය පදනම් වන ජාත්‍යන්තර පද්ධතිය හා ජාත්‍යන්තර පටිපාටිය ආරක්ෂා කරන අතර පොදු ඉරණමක් සහිත මානව ප්‍රජාවක් ගොඩනැගීම ප්‍රවර්ධනය කරන බවයි.

RSS
Follow by Email
Facebook
Google+
http://lakdana.lk/2020/05/22/%e0%b6%a0%e0%b7%93%e0%b6%b1%e0%b6%ba-%e0%b6%af%e0%b7%92%e0%b7%85%e0%b7%92%e0%b6%b3%e0%b6%9a%e0%b6%b8-%e0%b6%af%e0%b7%94%e0%b6%bb%e0%b6%bd%e0%b7%93%e0%b6%b8%e0%b7%9a-%e0%b7%80%e0%b7%90%e0%b6%a9/
Twitter

ප්‍රතිචාරයක් ලබාදෙන්න

ඔබගේ ඊමේල් ලිපිනය ප්‍රසිද්ධ කරන්නේ නැත. අත්‍යාවශ්‍යයය ක්ෂේත්‍ර සලකුණු කොට ඇත *