නාවුක හමුදා සංවත්සරය නිමිත්තෙන් කැළණියේදීීී ධාතු මන්දිර පූජාවක්

හමුදා තොරතුරු

ශ්‍රී ලංකා නාවුක හමුදාවේ 70 වන සංවත්සරය නිමිත්තෙන් සිදු කරනු ලබන ආගමික වැඩසටහන් මාලා‍වේ තවත් එක් වැඩසටහනක් 2020 දෙසැම්බර් 24 වන දින නාවික හමුදාධිපති වයිස් අද්මිරාල් නිශාන්ත උළුගේතැන්නගේ ප්‍රධානත්වයෙන් කැළණිය රජමහා විහාරස්තානයේදී පැවැත්වූ අතර, මේ සඳහා නාවුක හමුදා සේවා වනිතා ඒකකයේ ගරු සභාපතිනි චන්දිමා උළුගේතැන්න මැතිනියද සහභාගී විය.

2020 දෙසැම්බර් මස 09 වන දිනට යෙදී තිබූ ශ්‍රී ලංකා නාවුක හමුදාවේ 70 වන සංවත්සරය නිමිත්තෙන් වූ ආගමික වැඩසටහන් මාලාවේ, කංචුක පූජාව සහ නාවික ධජයන්ට සෙත් පැතීමේ පුණ්‍ය මහෝත්සවය නොවැම්බර් මස 12 සහ 13 යන දිනයන් හීදී රුවන්වැලි මහ සෑ රදුන් අබියස සහ ජය ශ්‍රී මහා බෝ සමිඳුන් අබියසදී සිදු කළ අතර, දෙසැම්බර් මස 08 වන දින මහනුවර ශ්‍රී දළඳා සමිඳුන් අබියස ගිලන්පස බුද්ධ පූජාව පවත්වා දෙසැම්බර් මස 09 වන දින දළඳා සමිඳුන් උදෙසා බුද්ධ පූජාව සහ භික්ෂූන් වහන්සේ විෂයෙහි දානමය පුන්‍යකර්මය සිදු කරන ලදී. මෙම ආගමික වැඩසටහන් මාලාවේ කැළණිය රජමහා විහාරස්තානයේදී සංවිධානය කරන ලද ධාතු මන්දිර පූජාව නාවුක හමුදාධිපතිතුමන්ගේ ප්‍රධානත්වයෙන් දෙසැම්බර් 24 දින බැති සිතින් යුතුව සිදු කෙරින.

මෙම ධාතු මන්දිර පූජා පුන්‍යකර්මය සිදු කිරීමේ අවස්ථාව නාවුක හමුදා මාණ්ඩලික ප්‍රධානි රියර් අද්මිරාල් කපිල සමරවීර, නාවික හමුදා නියෝජ්‍ය මාණ්ඩලික ප්‍රධානි හා බටහිර නාවික විධානයේ ආඥාපති රියර් අද්මිරාල් සුමිත් වීරසිංහ, නාවුක හමුදා මූලස්ථානයේ හා බටහිර නාවික විධානයේ ජ්‍යේෂ්ඨ හා කණිෂ්ඨ නිලධාරීන් ඇතුළු සීමිත පිරිසක් සහභාගී වී සිටියහ.

RSS
Follow by Email
Facebook
Google+
http://lakdana.lk/2020/12/27/%e0%b6%b1%e0%b7%8f%e0%b7%80%e0%b7%94%e0%b6%9a-%e0%b7%84%e0%b6%b8%e0%b7%94%e0%b6%af%e0%b7%8f-%e0%b7%83%e0%b6%82%e0%b7%80%e0%b6%ad%e0%b7%8a%e0%b7%83%e0%b6%bb%e0%b6%ba-%e0%b6%b1%e0%b7%92%e0%b6%b8/
Twitter

ප්‍රතිචාරයක් ලබාදෙන්න

ඔබගේ ඊමේල් ලිපිනය ප්‍රසිද්ධ කරන්නේ නැත. අත්‍යාවශ්‍යයය ක්ෂේත්‍ර සලකුණු කොට ඇත *