අරලියගහ මන්දිරයට කරන්ට් එක ගන්නේ ජෙනරේටරෙන්…. මණ්ඩලයේ විදුලිය නොගෙන, ඔයාලත් එහෙම කරන්න….

0
18
අරලියගහ මන්දිරයට කරන්ට් එක ගන්නේ ජෙනරේටරෙන්.... මණ්ඩලයේ විදුලිය නොගෙන, ඔයාලත් එහෙම කරන්න....

උද්ගතව ඇති විදුලිබල අර්බූදය නිමා වනතුරු රජයේ කාර්යාල තුළ අරපිරිමැස්මෙන් විදුලිය පරිභෝජනය කරලීමට සාධනීය පියවර ගන්නා ලෙස ශ්‍රී ලංකා පරිපාලන සේවා නිලධාරීන්ගෙන් අග්‍රාමාත්‍ය රනිල් වික්‍රමසිංහ මහතා ඊයේ(28) ඉල්ලීමක් කළේය.

අතවශ්‍ය කාර්යයන් සඳහා පමණක් විදුලි බලය පාවිච්චි කරන ලෙසත්, හැකි සෑම අවස්ථාවකම ජාතික විදුලිබල පද්ධතියෙන් විදුලිය ලබාගැනීම තාවකාලිකව නතර කර, රාජ්‍ය ආයතන සතු විදුලි ජනක යන්ත්‍ර මගින් විදුලිය ලබාගැනීමට පියවර ගන්නා ලෙසත් වික්‍රමසිංහ මහතා ඉල්ලා සිටියේය.

ජනාධිපති මෛත්‍රිපාල සිරිසේන මහතාගේ ප්‍රධානත්වයෙන් නෙළුම් පොකුණ පරිශ්‍රයේ ඊයේ(28) පැවති ශ්‍රී ලංකා පරිපාලන සේවා සංගමයේ වාර්ෂික සම්මේලනයට එක් වෙමින් මේ බව සඳහන් කළ අග්‍රාමාත්‍ය රනිල් වික්‍රමසිංහ මහතා විදුලි අර්බූදය සම්බන්ධව ගතයුතු පියවර සොයා බැලීම සඳහා ජනාධිපතිතුමාගේ උපදෙස් පරිදි අමාත්‍ය කමිටුවක් පත්කර තිබෙන බවත්, එම කමිටුවේ වාර්තාව ඉදිරියේදී කැබිනට් මණ්ඩලයට සහ පාර්ලිමේන්තුවට ඉදිරිපත් කරන බවත් පැවසීය.

විදුලිබල අර්බූදය නිමා වන තුරු අරලියග මන්දිරයට ජාතික පද්ධතියෙන් විදුලිය ලබා නොගෙන විදුලි ජනක යන්ත්‍ර මගින් විදුලිය ලබා ගැනීමට පියවර ගෙන තිබෙන බවද, රනිල් වික්‍රමසිංහ මහතා මෙහිදි වැඩිදුරටත් සඳහන් කළේය.

LEAVE A REPLY

Please enter your comment!
Please enter your name here