වසංගත මර්දනයේ ප්‍රගතිය ගැන ආණ්ඩුව ‘මවාපෑමක’

0
37

කොරෝනා රෝගීන් හඳුනා ගැනිමේ පරීක්ෂණ තීව්ර නොකර කොවිඩ් 19 මර්දනය කර ඇති බවට ආණ්ඩුව විසින් මවාපාමින් සිටින බවට හිටපු පාර්ලිමේන්තු මන්ත්‍රීවරයකු වු සෞඛ්‍ය ක්ෂේත්‍රයේ වෘත්තිය සමිති නායකයකු චෝදනා කර තිබේ.

මෙරට කොරෝනා පැතිරිම පිලිබඳව නිසි තක්සේරුවකින් තොරව වයිසරය පැතිරීමට දැමු සීමා කිරීම් ඉවත් කිරීමට රජය කටයුතු කරන බවයි හිටපු මන්ත්‍රී සමන් රත්නප්‍රිය පෙන්වා දෙන්නේ.

“මේ රෝග පරීක්ෂණ සීඝ්‍රතාව කිසිසේත්ම පිළිගන්න පුලුවන් සීඝ්‍රතාවක් නෙමෙයි. ඇමරිකාව වගේ රටක් ගත්තොත් දවසකට ඒගොල්ලො එක් ලක්ෂ පනස් දහක් වගේ ටෙස්ට් කරනවා. ඒගොල්ලන්ට ඕනෙ හරි තක්සේරුවක් ගන්න. ඒ තක්සේරුව ගත්තෙත් තමයි ඒකට මුණ දෙන්න පුලුවන්. ආර්ථික තත්ත්වය හදා ගන්න පුලුවන්, සෞඛ්‍ය තත්ත්වය හදා ගන්න පුලුවන් නිවැරදි තක්සේරුව ලබා ගත්තොත් විතරයි. ඒ තක්සේරුව ලබා ගන්න මේ ආණ්ඩුව නැතිනම් සෞඛ්‍ය අංශ කටයුතු කරන්නෙ නෑ. ඒ තක්සේරුව නැතිව අපි හිතනවා නම් සීමා කිරිම් ලිහිල් කරන්න ඕනේ කියලා, ඇඳිරි නීතිය ඉවත් කරන්න ඕනෙ කියලා. අපි අනතුරකට වටෙන එක වළක්වන්න පුවන්ද කියන බරපතල සැකය මතු වෙනවා.”

පොලිස් මාධ්‍ය ප්‍රකාශක පවසන පරිදි කොරෝනා සැක සහිත පුද්ගලයන් හතලිස් දහසකට වැඩි පිරිසක් සිටින බව කී හෙද සංගමයේ සභාපතිවරයා ඔවුන් පරීක්ෂා කිරීමට දිනකට පරීක්ෂණ ප්‍රමාණයක දහස දක්වා වැඩි කලත් එය අවස් කිරීමට දින 150කට වැඩි ප්‍රමාණයක් ගත වනු ඇති බව ද සඳහන් කළේය.

මෙරටට වඩා ආර්ථිකය තත්ත්වයෙන් හා සෞඛ්‍ය පහසුකම් වලින් අඩු දකුණු අප්‍රිකානු රටවල් පවා පරීක්ෂණ ප්‍රමාණය වැඩි කරමින් රෝගය පිළිබඳව නිවැරදි තක්සේරුවක් ලබා ගැනීමට උත්සාහ දරන බව කියා සිටියේ එම රට වල දක්ත වාර්තා මාධ්‍ය හමුවේදී ප්‍රසිද්ධියට පත් කරමිනි.

ජාත්‍යන්තර තත්ත්වය

මෙරට දිනකට රෝග පරීක්ෂණ 200ත් 250ක් අතර සිදුවන බවත් එය අපට වඩා දිලිඳු රට වල පරික්ෂණ ප්‍රමාණයටත් වඩා අඩු බවයි ඔහු පෙන්වා දෙන්නේ.

“ගෝතමාලාව රෝගීන් 273 දෙනෙක් හඳුනගෙන තියෙනවා 7200ක් ටෙස්ට් කරලා තියෙනවා. ඉතියෝපියාව 7557 ටෙස්ට් කරලා තියෙනවා, කෙන්යාව 13,239 ටෙස්ට් කරලා තියෙනවා. මේ රට වල සෞඛ්‍ය තත්ත්වය ඉතාම දුර්වලයි. ආර්ථික තත්ත්වෙත් දුර්වලයි දකුණු අප්‍රිකානු රටවල් නමුත් ඒගොල්ලො අපිට වඩා හොඳ උත්සාහයක් ගන්නවා රෝගීන් අඳුර ගන්න.”

යැයි ඔහු අවධාරණය කළේය.

නිරෝධායන මධ්‍යස්ථාන වල සිටින සැක සහිත පුද්ගලයන් පවා හරියාකාරව පරීක්ෂාවන්ට භාජනය නොකර බවට චෝදනා කරන සමන් රත්නප්‍රිය කොරෝනා රෝගීන් හඳුනා ගැනීමේ පරීක්ෂණ වැඩි නොකිරීම ගැටලුවක් බව ද කියා සිටියේය.

රෝගීන් පිළිබඳව නිවැරදි තක්සේරුවක් නොගෙන ආණ්ඩුව විසින් සිමා ඉවත් කිරීමට උත්සාහ දරන්නේ මහ මැතිවරණය පැවැත්විමේ අපේකෂාවෙන් බව ද වෘත්ති සමිති නායකයා චෝදනා කළේය.

කොරෝනා වයිරසය පිළිබඳව නොතකමින් මැතිවරණය පැවැත්වු දකුණ කොරියාවේ කොව්ඩි 19 අසාදනය වී සුව වු රෝගීන්ට පවා නැවත රෝගය අසාදනය වී ඇති බව කී හිටපු පාර්ලිමේන්තු මන්ත්‍රීවරයකු වු හෙද වෘත්තිය සමිති නායක සමන් රත්නප්‍රිය වැඩි දුරටත් පෙන්වා දුන්නේය.

LEAVE A REPLY

Please enter your comment!
Please enter your name here