කොරෝනා ව්‍යාප්තවන රටවල්වල සිට පැමිණෙන ශ්‍රී ලාංකිකයන්ගෙන් ආහාර ගාස්තු ලෙස රුපියල් 7500ක් අය කිරීමේ පුවත ඊයේ(10)සමාජ මාධ්‍ය ජාලවල අතිශය විවේචනය ලක්වුණු පුවතක් වුනු නිසාම, රජය විසින් එම පුවත සාවද්‍ය පුවතක් බවට පත් කිරීමට බොහෝ උත්සහයක් දරා තිබුණා.
නමුත් එම පුවත රාජ්‍ය මාධ්‍යවල සහ පුද්ගලික මාධ්‍ය කිහිපයක වාර්තා කර තිබුණා. එමෙන්ම දෙරණ නාලිකාවේ චතුර අල්විස් මාධ්‍යවේදියා විසින් එම පුවත සත්‍යයක් බවට facebook සටහනක්ද තබා තිබුණා.
අද (10) උදෑසන මෙරටට පැමිණි විදෙස්ගතව සිටින ලාංකිකයින් සදහා ආහාර ගාස්තු ලෙස රු 7500 ක මුදලක් අයකරන බවට පත්‍රිකාවක් බෙදා හැර තිබුණු බව මා වාර්තා කළා.
එය තහවුරු කරන ලද පුවතක් වන අතර, මෙම පත්‍රිකාව බෙදා දුන්නේ ගුවන්තොටුපල තුලමයි. (එම වීඩියෝ දර්ශන ද මා සතුව ඇත.) ඒ සමග තවත් කොල තුනක් බෙදා දුන් අතර ඒවා ලබාදී ඇත්තේ ආගමන විගමන කටයුතු සිදුකරන මොහොතේමයි.
– චතුර අල්විස්
